[size=21]لقد تغيرت شروط التسجيل في المنتدى ....
وتم تغيير مسمى المنتدى لتواكب مرحلة ما بعد الحرب الباردة
اعرفوا الشروط دي كويس وافهموها.........مش عايز غباوة
واللي مش عايز الشروط دي انشالله صوابعه اللي لمسكت الكيبورد تنكسر
او يخبط راسه في اقرب حيطة ...احنا مش بنلعب....واللي عايزنا ربنا يخليه......فهمتوا
بما انه الموقع ده موقعي
ربنا مايبارك فيكم ولا في الساعة اللي فتحت لكم فيها الموقع ده
فاللي عايز يسجل يوافق علي الشروط وهو متكوم
والشروط هي:
1-اللي يسب اي حد من الاعضاء هنجيبه ونربط حواجبه في بعضها
وهخرب بيته .........قلتلكم احنا مش بنلعب
2-اللي يخرف في الدين او السياسة ده عذابه عذاب.......هخليه يتخيل انه قرد عمره ماداق الموز
وهحجز له علي اقرب طيارة بترش الجراد بالمبيد وارمية من علي ارتفاع 50000 الف قدم
وهربطه علي النخلةواجلده.........قايلكم احنا مش بنلعب
3-انتم اعضاء لكم انكم تكتبوا وبس يعني محدش يعملي فيها مراقب مش عايز مراقبين
فهمتوا ولاافهمكم
مسموح الذب...والذب هي كلمه اتيه من الذباب وهي فعل مضارع جمع تكسير مضارع
بسيط...فهمتوا...صح ولا ماهو صح...قولوا صح لابارك الله بالساعه اللي دخلتوا فيه المنتدي
واللي مش عاجبه هنفركش وشه ونخليه يبص في مراية ويطلع الاخطاء التسعة عشر منه.....منتدانا واحنا حرين فيه
5- اللي يسجل باسماء محترمة وغير مخلة بالادب....لاني هوديهعلي اقرب مكوجي رجل واكويه بالنار
وبعدين هحطه في برميل مية وغطسه واطلعه وغطسه واطلعه لحد مايقول .......
اشهد ان الداتسون سيارة........قايلكم احنا مش بنلعب
6- قريتوا الشروط....هاه اكيد طبعا عجبتكم.....فهمتوها ...
طيباحنا بقي معندناش تسجيل الايام دي...واللي عايز يسجل يراسلنا علي الرقم اللي انا مش هقوله لكم
واللي عايز يسجل يعزمني في بيتهم بدل ماابطحه
ملاحظة هامة
اللي هنكتشف انه راجل وداخل باسم بنت او بنت داخلة باسم راجل
ده بقي هخلي وشه كلمات متقاطة يصعب حلها
موافق..................؟
مش موافق............................؟
ماشي الجدع بقي يكتب مش موافق
دي شروط كتبها واحد عصبي فتح منتدي جديد..........يارب تعجبكم