تحذير للبنات[/align]
الموضوع ده اتسرق من مذكرات شاب
{دايما بنسمع كلمة غريبة اوى
يفضلوا يقولوا هى بنات الناس لعبة ولا ايه
انا دايما برد اقول اه طبعا لعبة
البنات دول مالهمش اى لازمة فى الدنيا غير ان احنا نتفرج عليهم وهما لابسين ومتشيكين وعاملين ماكياج وميك آب والحاجات دى
اكتر من كدة مش عايزين
هما موجودين فى حياتنا بصراحة علشان يرفعوا من روحنا المعنوية
الواحد لما بيلاقى ان فيه بنت مثلا معجبة بيه او اتخبطت فى عقلها وبتحبه بيبقى اكيد مبسوط ومفرفش
هى اى نعم الحكاية دى بتفضل معاه فترة طويلة
مثلا 4 او 5 ايام وبعدين بيزهق منها
بس اهى برضو اى حاجة تنعنش الواحد
واحنا هنروح بعيد ليه خلينا هنا احسن طراوة
الدين محلل للراجل يتجوز 4
بس دلوقتى كمان بقى ممكن يخطب 16
ويمشى مع 32
ويتعرف على 64
ويتكلم فى التليفون مع 128 زى رامات الكمبيوتر
اهم حاجة بقى لازم تعرفوها
ان توقيع البنت ده اسهل حاجة فى الدنيا
بس الصعب بقى يا معلم انك تعرف تخلع منها
انا بقول الكلام ده ورزقى على الله
والحمد لله ان انا مش متجوز احسن كان زمان الشبشب اترفع فى وشى وكنت هبيت على السلم}
مقدرش اقول ان كل الشباب بتفكر كده بس صدقونى اغلبهم كده وياريت تفكرى الف مره قبل
ما تخرجى مع اى شاب بدون ارتباط رسمى ولا ايه رايكم؟